قر ءبىلىم جانە عىلىم مينيسترلىگىنىڭ ۇيىمداستىرۋىمەن وتكەن چەمپيوناتتا ەلىمىزدىڭ تۇپكىر-تۇپكىرىنەن جينالعان 400-دەن استام جاس مامان سىنعا ءتۇستى.
قازاقستاندا ءۇشىنشى رەت ۇيىمداستىرىلىپ وتىرعان «Worldskills كازاقستان» جوباسى بيىل ەلباسى ن.ءا. نازارباەۆتىڭ «100 ناقتى قادام» ۇلت جوسپارىن جۇزەگە اسىرۋ شەڭبەرىندە جالپى ەڭبەك قوعامىن قۇرۋ جانە جۇمىسشى مارتەبەسىن ارتتىرۋ ماقساتىندا وتكىزىلىپ وتىر.
ۇلتتىق چەمپيوناتتا وڭتۇستىك قازاقستان وبلىسىنان بارعان وقۋشىلار 9 قۇزىرەتتىلىك (ماماندىق) بويىنشا سايىسقا ءتۇسىپ, الدىڭعى قاتارعا شىقتى.
اتاپ ايتقاندا, №6 كوللەدجدىڭ ستۋدەنتى «اسپاز ءىسى» ماماندىعى بويىنشا التىنبەك ءابىلحايىر التىن مەدال, №16 كوللەدجدىڭ ستۋدەنتتەرى «قۇرعاق قۇرىلىس جانە سىلاق جۇمىستارى» بويىنشا تاۋباي جانارىس كۇمىس مەدال جانە ء«پىسىرۋ ءىسى» قۇزىرەتتىلىگى بويىنشا سەيدۋللا ولجاس كۇمىس مەدال يەلەندى. سونىمەن قاتار, تۇركىستان گۋمانيتارلىق-تەحنيكالىق كوللەدج ستۋدەنتى «ديزاين جانە كيىمدەردى مودەلدەۋ» قۇزىرەتتىلىگى بويىنشا قاسىموۆا وعلاي كۇمىس مەدال, جوعارعى جاڭا تەحنولوگيالار كوللەدجى «پليتكا جاپسىرۋ» بويىنشا تولەش ەركەبۇلان كۇمىس مەدال جەڭىپ السا, جول-كولىك كوللەدجى ستۋدەنتى «ينجەنەرلىك گرافيكا CAD» قۇزىرەتتىلىگى بويىنشا كۇمىس مەدالدى جولداسباي باقبەرگەن جەڭىپ الدى.
جارىس قورىتىندىسى بويىنشا التىن مەدال يەگەرى «اسپاز ءىسى» ماماندىعى بويىنشا التىنبەك ابىلحايىر قازاقستاننىڭ ۇلتتىق قۇراما كومانداسىمەن قازان ايىندا ءابۋ-دابي قالاسىندا وتەتىن WorldSkills Competition الەمدىك چەمپيوناتىنا قاتىسادى دەپ كۇتىلۋدە.
